Innuttaasut atuinerat
Innuttaasut atuinerat tamakkiisoq nuna tamakkerlugu naatsorsuutini ilanngullugu naatsorsorneqartarpoq. Tamannalu titartakkami 3.1-imi takuneqarsinnaavoq akit ingerlaavartuni taavalu akiusimasunit kisitaq (2010-mi akit) naatsorsukkani.
Innuttaasut atuinerat piffissami 2006-imiit 2015-imut akini ingerlaavartuni 19,7 pct.-imik annertuseriarsimavoq. Saqqummersittagaq Atuisunut akit ineriartornerat iluaqutigalugu innuttaasut atuinerata qaffasissusivia naatsorsuinikkut nassaarineqarpoq akit qaffakkiartornerisa peerneratigut, taamaasilluni atuineq -3,4 pct.-imik piffissami tassani annikilleriarsimalluni. 2014-imiit 2015-imut innuttaasut atuinerat 2,8 pct.-imik annertuseriarsimavoq akit ingerlaavartut atorlugit.
Titartagaq 3.1. Innuttaasut atuinerat 2006-2015
Malugiuk: 2006-2013-mi kisitsisit inaarutaasuupput, 2014-2015-imili kisitsigallarnerullutik.
Najoqqutaq: Naatsorsueqqissaartarfik, http://bank.stat.gl/nrn07
Titartakkami 3.2-mi takutinneqarpoq innuttaasup ataatsip agguaqatigiissillugu atuinerata ineriartornera 2006-imiit 2015 ilanngullugu. 2006-imi innuttaasup ataatsip agguaqatigiissillugu 91,6 t.kr.-init ukiumut atorsimavai, qaffakkiartuaarluni 2015-imi 111,4 t.kr.-init atorsimallugit.
2006-imiit 2015-imut inuup ataatsip agguaqatigiissillugu aningaasat atortagai amerligaluarlutik kisianni pisiassat pisiarisartagai taama amerlitiginngillat.
Titartagaq 3.2. Innuttaasup ataatsip agguaqatigiissillugu atuinera
Malugiuk: 2006-2013-imi kisitsisit inaarutaasuupput, 2014-2015-imili kisitsigallarnerullutik.
Najoqqutaq: Naatsorsueqqissaartarfik, http://bank.stat.gl/benst1 aamma http://bank.stat.gl/nrn07
Titartakkami 3.3-mi takuneqarsinnaapput innuttaasut sunik atuisarnersut, 2013-imi 2015-imilu. Atuiffiit annerpaat sisamat tassaapput inuussutissat imigassallu aalakoornartortaqanngitsut, ineqarnermi aningaasartuutit, tunisassiat kiffartuussinerillu allat taavalu angallannermut attaveqaqatigiinnermullu aningaasartuutit. Sisamaallutik katikkaanni innuttaasut atuinerisa 2015-imi 73 pct.-erivaat.
Titartagaq 3.3. Innuttaasut atuinerat atuiffinnut agguarlugit
>
Malugiuk.: 2013-imi kisitsisit inaarutaasuupput, 2015-imili kisitsigallarnerullutik.
Najoqqutaq: Naatsorsueqqissaartarfik, http://bank.stat.gl/nrn07